96: தனிப்பெருங்காதல்

சரவண கார்த்திகேயனின் 96 - தனிப்பெருங்காதல் புத்தகத்தைப் படித்து முடித்தேன். ஒரு திரைப்படத்தைக் குறித்த இம்மாதிரியான புத்தகம் ஒன்று இதுவரை வந்ததில்லை என்று நினைக்கிறேன். இது புகழ் நூல் அல்ல. விமரிசன நூலும் அல்ல. மதிப்புரை, கருத்துரை, ஆய்வுரை வகையறாவா என்றால் இல்லை. அந்தத் திரைப்படத்தின் ஒவ்வொரு ஃப்ரேமிலும் தனது நாடி நரம்புகளை ஊறப் போட்டு எடுத்து உலர்த்தியிருக்கிறார் சி.எஸ்.கே. இந்தப் படத்தை என்னைவிட நுணுக்கமாக இன்னொருவர் பார்த்திருக்க முடியாது என்று நேற்றுவரை நினைத்திருந்தேன். சி.எஸ்.கே பார்த்திருக்கிறார். பரபரவென முக்கால் மணி நேரத்தில் முடித்துவிட்டேன். ஒரு திரைப்படத்தை எப்படியெல்லாம் ரசிக்கலாம் என்று பயில இந்தப் புத்தகம் ஒரு சரியான தொடக்கமாக இருக்கும். அனைவரும் படிக்க தவறவிடாதீர்கள். 

           - பா.ராகவன்